Lajme Nga Kosova

Po bashkëpunimit, jo protokollit
Autoritetet e Kosovës vazhdojnë të mbajnë një qëndrim pandryshuar në lidhje me protokollin e shumëpërfolur EULEX-Serbi, por theksojnë përkushtimin për bashkëpunim të ngushtë me BE-në dhe bashkësinë ndërkombëtare.

Presidenti i Republikës, Fatmir Sejdiu, ka ritheksuar edhe të enjten se, sa i përket protokollit ndërmjet EULEX it dhe Serbisë, Kosova nuk pjesëmarrëse në këtë çështje, por vazhdon bashkëpunimin me EULEX-in, KFOR-in dhe bashkësinë ndërkombëtare.

“....Kosova nuk është aktor në këtë çështje. Kosova do të vazhdojë mënyrën më të mirë të mundshme të bashkëpunimit me EULEX-in, ICO-n, me KFOR-in, me bashkësinë ndërkombëtare që ka investuar shumë dhe do të investojë në Kosovë, për zhvillimet e përgjithshme", nënvizoi Sejdiu.

Gjithashtu edhe kryeministri Hashim Thaçi hodhi poshtë pohimet se përfaqësuesit e Kosovës po bashkëpunojnë me EULEX-in për protokollin me Serbinë.

"Dëshiroj të theksoj se Prishtina nuk është pjesë e këtij pretendimi të aranzhmanit teknik, por institucionet e Kosovës do të vazhdojnë koordinimin me të gjithë faktorët relevantë, për luftën pakompromis ndaj korrupsionit dhe krimit të organizuar", theksoi kreu i ekzekutivit.

Por ai tha se do ta vazhdojë bashkëpunimi i ngushtë me autoritetet e BE-së dhe vendet e rajoni