Paris Hilton po përballet me gjykatën në Miami. Trashëgimtarja e pasur akuzohet se nuk ka promovuar sa duhet filmin e saj për jetën e studenteve më 2006, të quajtur “Pledge This”. Padia thotë se 28 vjeçarja Hilton nuk ka respektuar sa duhet kontratën e saj për promovimin e DVD-së së filmit, duke kërkuar kështu nga ajo dhe kompania e saj dëmshpërblim prej më shumë se 8 milionë dollarësh. Ky film ishte dëmtim për arkat filmike, pasi që ka arritur t’i fitojë vetëm 2.9 milionë dollarë në mbarë botën. Hilton thotë se ka bërë gjithçka që ka mundur për të promovuar filmin.