ANGELINA JOLIE VIZITON IRAKUN

Aktorja hollivudiane, Angelina Jolie, vizitoi një kamp të refugjatëve në Irak, si pjesë të punës së saj për organizatën UNHCR. Jolie, e cila është një ambasadore e vullnetit të mirë, i bëri një vizitë të paplanifikuar kampin të refugjatëve “Chikook”, i cili gjendet në veri perëndim të Bagdadit, ku ajo u takua me disa familje, të cilat janë zhvendosur nga shtëpitë e tyre si pasojë e luftës në vend. Chikook strehon më shumë se 20.000 njerëz, shumica prej tyre gra dhe fëmijë. Kampi ka mungesë të ujit të pijshëm dhe nuk përmban sistem operues për derdhjen e ujërave të zeza. Gjatë vizitës së saj, Jolie u takua me një 43 vjeçar, i cili i tregoi asaj shtëpinë me tulla, të cilën e kishte ndërtuar për gruan dhe fëmijët e tij. Shumica e familjeve me të cilat Jolie bisedoi, i kanë thënë asaj se nuk kishin mundësi të paguanin as për tretmane mjekësore dhe se fëmijët e tyre nuk shkojnë në shkollë. Aktorja vazhdimisht merrte shënime në fletoren e saj. Në një shtëpi, Jolie u takua me një familje 9 anëtarëshe, ku e përkundi një të porsalindur. Kjo është vizita e tretë e Jolie-it në Irak. Në këtë vizitë aktorja, gjithashtu, u takua me ushtarë amerikanë, të cilët veprojnë në Irak.